جزائري ضمن مافيا عالمية شدوه في مراكش

قال موقع “غازيت فان أنتويرب”، إن المصالح الأمنية المغربية شدات ف الويكاند الفايت أحد أكثر الأسماء المطلوبة لنظام عدالة ف أنتويرب واللي معروف بلقب “الدزايري” (29 عام) واللي عندو ارتباطات قوية ومباشرة بعالم الجريمة المنظمة في أوروبا.

وحسب المصادر ذاتها، تم اعتقال المعني بالأمر ف ضواحي مراكش بسبب صلته بأحد أكبر القضايا الجنائية المرتبطة بعمليات القتل وتجارة المخدرات والمعروفة بملفات (Sky ECC). وسبق تحكم على الدزايري بـ19 عام ديال الحبس لارتكابه جرائم مختلفة.

وبسباب صراعات بين مافيات بلجيكا، هرب الدزايري ل دبي وكان كيزور المغرب وفي صيف 2022، شدوه ف كازا، وبسباب عدم وجود إدانات نهائية، تطلق سراحو بعد حصوله على الجنسية المغربية. ودابا من المحتمل باش ترفض السلطات المغربية تسلمو لبلجيكا ويدوز العقوبة النهائية اللي محكوم بها ف المغرب