فضيحة..مسؤولون وممثلون للرجاء والوداد صدموا بعد زيارة ملعب محمد الخامس

كادت أن تتحول زيارة أعضاء لجنة التتبع للطابق السفلي لملعب محمد الخامس إلى كارثة بعد أن اختنق أعلبهم بسبب القادورات والتعفن الذي طال المكان الذي كان مهجورا منذ عشرات السنوات.

وحسب شهود عيان بمجرد ما فتح الباب أمام المسؤولين (أعضاء لجنة التتبع) ومعاهم ناس د الوداد والرجاء والأمن، حتى طلعت من الريحة اكثر من كريهة.. ريحة تعاف منها الكلاب… ريحة تكول شي جيفة ميتة في هاد المكان او جثث مدفونة فيه…

المسؤولون حطو يديهم على نيوفهم، وشي وحدين بقاو برا باش ميتخنقوش.. وللي دخلو تصدموا من هول ما شافوه من اطلال ومرافق مهجورة وملاعب صغيرة زحفت عليها القاذورات والازبال وشكلت جبالا تطال الجدران المتسخة والمهملة!

مدينة مهجورة منذ سنوات مدفونة تحت معلب دونور وبالضبط تحت أرضية المعلب (لابولوز) وتحت المدرجات..

مدينة من المرافق والملاعب د فولي وهوند وباسكيط شيدت في 1983 وطالها النسيان والتهميش وفي الوسط كاين مسبح مهجور باقي بالما ديالو التي تحول إلى بركة خانزة تفوح منها روائح كريهة…وحتي واحد مفكر يخوي هاد المسبح على الاقل…!!!

حتى واحد ما فاهم اش واقع، وكيفاش ملعب تخسر عليه 22 مليار مازال باقي الطابق السفلي في هاد الحالة؟ يقول صحفي عاين الحادث.