170 ربان طائرة كيعيشو مأساة ومهددين بالحجز على منازلهم
كشف أحد الربابنة لجريدة الوسط أنهم يعانون مأساة مع شركة “لارام” بعد أن عملوا لسنوات طويلة مع شركة AMS التابعة للارام وأضاف قائلا: الربابنة كانو كيضطروا ياخدو 12 ساعة ديال الراحة بعد سفر طويل Long courrier غير بش تقدر الشركة تلبي جميع الرحلات ديالها بدون مشاكل على مدى سنوات، اقل واحد فيهم عندو أقدمية 6 سنوات…
بين عشية و ضحاها جاهم إتصال من الموارد البشرية ديال الشركة بغيناكم غدا !!! ملي مشاو خسرو عليهم كاين أزمة و خاصكم تمشيو فحالكم !! علاش حنا ؟!! هكاك طلعات سميتكم !! اقتارحوا على الشركة التنازل على عدد من الامتيازات، لكن بدون جدوى!
بقاو على هاد الحال رافضين لهاد القرار، و كيهددوهم لي باقي خرج دار شي تصريح عامرو يحلم يرجع يخدم !!
بعد خمسة أشهر غادي يرسلو ورقة الطرد الاقتصادي لذوك ال 170 مضيف و مضيفة لي بقاو رافضين المغادرة الطوعية من أصل 400 لي جراو عليهم مرغمين، الورقة كان فيها نصف المبلغ اللي كان مواعدينهم بيه، 170 شخص كان خدام عندو سنوات ديال الأقدمية، فاق الصباح لقى راسو مطرود بدون دخل و اغلبهم ارباب اسر و هازين عائلاتهم وعندهم إلتزامات بنكية و مدارس للابناء، بدون رحمة و في رمشة عين، الباب الحباب !
والطامة الكبرى أن الشركة كتعلن على مباريات لتوظيف أشخاص جدد، و القدام لي الخبرة ديالهم تتراوح بين 6 و 10 و 15 سنة ضربهم تران، والابناك تاهوما شوية وينوضو باش يرفعوا دعاوى بالافراغ و الحجز، بسبب العجز عن الأداء و مهددين بتشريد اولادهم و واليديهم فالزنقة …
