اعتقال زوجة سرقات الذهب وخسرات لفلوس فلوطيلات

قبح الله الطمع

زوجة فعمرها 36 سنة عندها طفلة عمرها 8 سنين مدة ايام وهي مختفية عبات بنتها معها وخرجت من دارها وغبرت الزوج علاين يحمق ما خلا فاين فتش عليها تيليفونها مطفي وقام بابلاغ الشرطة بحالة اختفاء الزوجة ..

الزوج فاش غابت الزوجة اكتشف بلي الذهب والمجوهرات لي خلات الأخت ديالو (مهاجرة بالديار الأوروبية) عندو كآمانة اختفى حتى هو من مكانه !!

الزوج بدا كايدخلو الشك في مراتو دازت أيام الزوجة وبنتها غايرجعو لدار وغاتعتقلها الشرطة بتهمة السرقة وخيانة الأمانة الزوجة نكرت كولشي وقالت بلي تعرضت لعملية نصب بطريقة السماوي من طرف مشعوذ سرقلها ذهب بلا ما تشعر واضطرت تغبر حت خافت من غضب زوجها لكن بعد التحريات واخضاع هاتفها للخبرة العلمية اتضح انها بسرقت الذهب وباعتو وسافرت مع بنتها تدوز العطلة الصيفية في ثلاثة مدن بفنادق مصنفة فكل من وجدة والناظور والدار البيضاء تم إعتقال الزوجة وتقديمها للعدالة.

خرجت على رسها وضيعت بنتها وزوجها على قبل المساريات والفلوس قبح الله الطمع هاد الحادثة وقعت فمدينة تازة.