الطاليان كلها داوية على مغربي دار بطولة وعتق ولاد ومات

هاد السيد سميتو رحال عماري، مهاجر مغربي 🇲🇦 من أزيلال ساكن فإيطاليا، البارح مع الصباح كان مريح كايتبحر فشاطئ ليدو دي جاباني فبلدية كاستل فولتورنو، شويا كايسمع الغوات… أم وأب ديال زوج وليدات طاليانيين دخلو يعومو و جرهم التيار، البحر خاوي المنقذ غائب مكاينش لي يعتقهم.. ناض رحال كأي مغربي فيه الروح ديال تارجليت.. سلت حوايجو و دخل كايجري للبحر وخا ماشي متمرس فلعومان.. جبد الولد الأول وردو للكوشطا… رجع يجبد الولد الثاني قبطو وبقا مطايف مع التيارات البحرية القوية حتى خرجو سليم… لكن خونا رحال خرج محـ.ـطم خائر القوى شرب الماء بزاف.. و للأسف بعد هاد العمل البطولي شاءت الأقدار أن يتوفاه الله رغم الاسعافات .. الله يرحمو و يجعل مثواه الجنة.