تحليل خارج الصندوق لوهبي ربان الأسود

عدنان أحيزون

هاد المنتخب عندو مكانة خاصة وغادي تبقى واخا تقصينا ليسوتو شي نهار

لأن فيه مدرب كيموت على كورة، وكيشرح تا كيفاش كيلعب فبزاف د البرامج ومعندو تا شي مشكل، نهار جا أصر أنه يجيب ساكرامنتو معاه، لمحاسن الصدف شفتو فروما وكان أحد أهم أسباب فوز روما باللقب الأوروبي الوحيد ووراها فينال ضد بونو فبودابست

كاين بزاف د التواضع والعلم فالكورة د وهبي، عارف أن عندو أحسن جيل فتاريخ المغرب، ولكن وهبي عارف أنه شد منتخب مصدوم من نهائي كأس إفريقيا وفاقد للثقة، فأول حاجة دار هي جددو تقريبا كامل، وغير طريقة اللعب.

كيما كنقولو وهبي he dares on the football pitch وتيختار خصوم صحاح تا فالوديات، صحاح بالمعنى البدني بحال الاكوادور والباراغواي، وفالماتش كيبدل الخطة وطريقة اللعب بلا ميبدل اللعابة.

هادشي ماشي ساهل بل إعجازي ديرو فقل من 6 أشهر، البارح مثلا كومان داخل ب 5 3 2 باش ميتضربوش ليه المدافعين الثاقل ورا الظهر، لدرجة غامر باش يجلس ريندرز الماتش كامل.

وواخا هكاك قراه وهبي مع اللول د الماتش، والنتيجة لا تبعتو مزيان المغرب خلق فرص من جميع الأماكن الممكنة، الوسط والجناب والكرات الثابتة اللي هولندا حسبو شحال ماركات بيها فالدور الأول، كنا حسن وكنا نماركيو منها.

بغيتي التنويع، بغيتي القوة البدنية، بغيتي الفنيات لقطة الراحيمي كتختزل كولشي فكورة د المغرب غير مبغاتش وصافي، وبغيتي تا لعاب ميكونش فنهارو بحال دياز وبوعدي، غادي يخرج أحسن ما عند الآخرين وغيغطيو عليها.

شكرا وهبي، وشكرا للعلم النافع الذي لا يقدر بثمن، شكرا على الأخلاق والتواضع، هاد المنتخب مزال غيعطي أكثر وأكثر

No one gets anywhere by being completely stupid and rude.