الفرشة تكشف مافيا شركات تحصيل الديون

كشفت صفحة الفرشة المعروفة بالفايسبوك معطيات خطيرة عن شركات تحصيل الديون وعنونت معطياتها برمانه شركات القروض وتحصيل الديون…

وكتب الصفحة المثيرة للجدل “بمقتضى قانون الغاب والفوضى، شركات القروض وفاسلف وفيفاليس كتاخد لك سيارتك واخا تكون مخلصه واخا حتى تكون ماشي ديالها.

الملف بان مؤخرا فمدينة سلا بعد ما شافو الناس بصيص من العدل افتقدوه فمحاكم الدار البيضاء، فين ولا مستحيل تغلب بعض المحامين المعروفين بالرشاوي وشراء الاحكام (500 درهم للنسخة)، و ضربها في الف شوف شحال عطات.

الحكايه بدات ملي المدعو هشام الناتي الملقب بملك شركات تحصيل الديون فالمغرب (الصورة)، لي يدو واصلة فجميع دهاليز السلطة، خدم الضابط المعزول انور الجاهلي ف هذا المجال قبل ما يصدر في حقو قرار العزل، كان خدام معاه بالبادج ديال البوليس نعاماسي، وهنا لقا السي البوليسي الفاسد لي بغا، هشام الناتي كيزودوا بالمعلومات الشخصيه و احكام مزروة و العناوين ديال المواطنين الزبناء من الشركات فيفاليس و وفاسلف، او عاطيه الضو الأخضر ولا اي طوموبيل داز عليها كيديها حتى بدون احكام قضائيه بدون مفوض قضائي .

وصل لدرجة الطوموبيلات كيتهزو مسدودين بجميع الاغراض ديال الناس،يقدر يستعمل حتى التهديد و الضرب.

من بعد ما بين انور الجاهلي الجهالة دييالو لهشام الناتي وطلع “الشيفر دافير”، وافق ليه على بزاف ديال الاشخاص ذوي السوابق العدليه في النصب السرقه، الضرب والجرح والاحتيال و كتاملات عصابه السرقه، و باش يكملوا الفريق المثالي جابو عبد العزيز حجيب العميد السابق المعزول بتهمه الارتشاء .

الناس كتفاجئ بأسطول ديال السيارات اللي كتقدم راسها على اساس انها بوليس ومفوضين قضائيين وممثلين ديال شركه فيفاليس و وفاسلف، السيارات كيمشيو او كيتباعو في ظروف ما عندها حتى علاقه بالقانون.

هذ الطغيان ماجاش من فراغ،
جا ممن يدعي انه نسيب وزير الماليه السابق وسفير احد الدول الاوروبيه حاليا، لي هو المدير ديال فيفاليس، وسي للمعتصم المهدي الأمر الناهي صاحب شركة التشغيل لي اش جابها لشركة القرض ؟!